प्राविधिक शिक्षा तथा व्यवसायिक तालिम परिषद् सीटीईभीटीको उपाध्यक्षमा मोहम्मद सफिउल्लाहलाई मनोनयन गर्ने निर्णय गरिएको छ ।
बिज्ञापन
आज बसेको मन्त्रिपरिषद् बैठकले यस्तो निर्णय गरेको हो । यस अघि सीटीईभीटीको उपाध्यक्षका लागि २९ जनामध्ये ८ जना हुँदै अन्तर्वार्ता र प्रस्तुतीकरणपछि समितिले ३ जनाको नाम सिफारिस गरिएको थियो । ती आठ जनामध्ये गोरखाका उपेन्द्र पोखरेल, महोत्तरीका उमेशकुमार मिश्र, तनहुँका काजीराम अधिकारी, दार्चुलाका कुष्माकर भट्ट, कञ्चनपुरका खेमराज जोशी, झापाका टैलेन्द्र आचार्य, रौतहटका मोहम्मद सफिउल्लाह र बाराका हरिशंकरप्रसाद साह सर्टलिस्टमा परेका छन् ।
बिज्ञापन
पुस २८ गते उनीहरूको अन्तर्वार्ता र प्रस्तुतीकरणको समय तोकिएको शिक्षा मन्त्रालयले जनाएको छ । समितिले ३ जनाको नाम सिफारिस गरेपछि मन्त्रिपरिषद् बैठकले उपाध्यक्षमा रौतहटका मोहम्मद सफि उल्लाहलाई नियुक्त गरिएको हो ।
प्राविधि शिक्षा तथा व्यवसायिक तालिम परिषद् झण्डै एक बर्षदेखि रिक्त रहेकोमा क्याविनेटको निर्णय सँगै उपाध्यक्ष पाएको छ । २०८१ माघदेखि सीटीईभीटीइ रिक्त छ । तत्कालीन उपाध्यक्ष ओमप्रसाद बराललाई नियुक्त गर्ने मन्त्रिपरिषद्को निर्णय सर्वोच्च अदालतले बदर गरिदिएको थियो । मन्त्रिपरिषद्को २०८१ मंसिर ६ गते बसेको बैठकले सीटीईभीटीको उपाध्यक्षमा बराललाई नियुक्त गर्ने निर्णय गरेको थियो । मन्त्रिपरिषद्ले सीटीईभीटीको उपाध्यक्षमा नियुक्त गरेका बरालको योग्यतामाथि प्रश्न उठाउँदै टैलेन्द्र आचार्यले सर्वोच्च अदालतमा रिट निवेदन दायर गरेका थिए । प्रधानमन्त्री तथा मन्त्रिपरिषद्को कार्यालयलाई विपक्षी बनाएर दायर गरिएको रिटमाथि भएको सुनुवाइले बरालको योग्यता नपुग्ने ठहर गरेसँगै सो संस्था उपाध्यक्षविहिन रहेकोमा निर्वाचन आचारसहिता लाग्नु अघिको क्याविनेटले उपाध्यक्षमा नियुक्ति गरेको हो ।
बिज्ञापन
